21. ágúst 2008 13:05

Styrkir til útgáfu á nýjum íslenskum skáldverkum

Bókmenntasjóður býður nú á haustmánuðum sérstaka styrki til útgáfu á nýjum íslenskum skáldskap. Um er að ræða fimm styrki að upphæð tvöhundruðþúsund krónur hver og eru þeir ætlaðir til þess að styðja við útgáfu á skáldverkum sem hafa takmarkaða eða litla tekjuvon en hafa ótvírætt menningarlegt gildi. Hér falla undir skáldverk í víðri merkingu þess orðs til dæmis sögur, ljóð, barnaefni, leikrit, eða eitthvað allt annað, og leitast er eftir breidd og fjölbreytni í umsóknum. Sérstök dómnefnd mun fara yfir umsóknir og skal umsóknum ásamt fylgigögnum skila til Bókmenntasjóðs fyrir 15. október.

Smellið hér til þess að sækja umsóknareyðublaðið.