Stjórn Bókmenntasjóðs mun auglýsa eftir styrkjum til verkefna á sviði útgáfu og miðlunar íslenskra texta og verða styrkir flokkaðir í þrjá meginflokka eftir stærð og umfangi verkefnanna. Miðað er við að koma sem best til móts við þarfir umsækjenda og því verður lögð áhersla á fagmennsku og traustar kostnaðaráætlanir af hálfu umsækjenda. Ætlast er til að umsækjendur miði umsóknir sínar við þau markmið sem sett eru fyrir hvern flokk og hafi í huga frá upphafi að styrkupphæðir í hverjum flokki fylgja ákveðnum viðmiðunum. Flokkarnir þrír eru:

Flokkur A.Grundvallarrit eða grundvallartextar sem nýtast þorra alls almennings og hafa ótvírætt menningarlegt og þekkingarlegt gildi. Verkefni sem treysta grunnforsendur málsamfélagsins eða eru mikilvæg fyrir miðlun þekkingar á íslensku og eru kostnaðarsöm og tímafrek í vinnslu.

Upphæð styrkja er á bilinu 1.000.000-3.000.000

Flokkur B.Útgáfa, miðlun eða gerð textaefnis sem krefst talsverðrar fjárfestingar en hefur einnig skýr og raunhæf tekjumarkmið. Miðað er við að styrkir beinist að erfiðum kostnaðarþáttum sem þó eru mikilvægir fyrir viðkomandi verkefni, svo sem aukahöfundargreiðslur, myndefni, tæknivinnsla, frágangur o.s.frv. 

Upphæð styrkja er á bilinu 300.000-1.000.000

Flokkur C.Styrkir sem miða að því að styðja við bakið á verkefnum sem hafa takmarkaða eða litla tekjuvon en eru mikilvæg fyrir íslenska bókmenningu. Hér er til að mynda átt við stuðning við ýmsa vinnslu á myndskreyttum barnabókum eftir innlenda höfunda, útgáfu ljóðabóka og ritsafna með fræðilegum innangi eða formála, þróunarverkefni, verkefni í rafrænni miðlun, fræðilegt efni af ýmsum toga o.s.frv.

Upphæð styrkja 100.000–300.000

Stjórn Bókmenntasjóðs skipar í úthlutunarnefndir ef þurfa þykir.